დისლექსია - განსხვავებული ფიქრი, განსაკუთრებული შესაძლებლობა
დისლექსიის ფონდი ემსახურება დისლექსიის მქონე ბავშვებისა და მოზარდების მხარდაჭერას.ჩვენი მისიაა თითოეული ბავშვის შესაძლებლობების მაქსიმალურად გამოვლენა განათლების ხელმისაწვდომობის, ცნობიერების ამაღლებისა და სპეციალისტების მხარდაჭერის გზით.
ფონდის შესახებ
საქართველოს დისლექსიის ფონდი — არაკომერციული იურიდიული ორგანიზაციაა, რომელიც მიზნად ისახავს დისლექსიის მქონე პირების მხარდაჭერას და მათი უფლებების დაცვას.
ნეიროფსიქოლოგებთან და სფეროს სპეციალისტებთან თანამშრომლობით ვახორციელებთ მნიშვნელოვან ინიციატივებს, მათ შორის: დისლექსიის ცნობიერების ამაღლების კამპანიებს,ადრეული გამოვლენისა და სკრინინგის პროგრამებს,დაწყებითი კლასის მასწავლებელთა გადამზადების კურსებს,სწავლის სირთულის მქონე ბავშვებისთვის თერაპიული პროგრამების დაფინანსებას.ჩვენი მიზანია, რომ თითოეულ ბავშვს მიეცეს შესაძლებლობა სრულად გამოავლინოს საკუთარი პოტენციალი.
რა არის დიქლესია
დისლექსია არის მდგომარეობა, რომლის დროსაც ადამიანს აქვს კითხვის უნარის სირთულე.
დისლექსია არის ნეირობიოლოგიური თავისებურება, რომელიც ზემოქმედებს წერითი და ვერბალური ენის დამუშავებაზე — განსაკუთრებით კითხვაზე, სიტყვების ამოცნობასა და მართლწერაზე.
დისლექსიის მქონე ბავშვებს ხშირად უჭირთ ბგერებისა და ასოების დაკავშირება, ერევათ ასოები, უჭირთ კითხვა, მიუხედავად იმისა, რომ ინტელექტი ნორმის ფარგლებშია.
კვლევების მიხედვით, საქართველოში დაახლოებით 50,000 6-11 წლის ასაკის ბავშვს შესაძლოა ჰქონდეს დისლექსია. თუმცა მათ უმეტესობას ჯერ კიდევ არ აქვს დადგენილი დიაგნოზი. ინფორმაციის ნაკლებობა და ადრეული შეფასების მექანიზმების არარსებობა სკოლებში ხელს უშლის დროულ და ეფექტიან დახმარებას, რაც ხშირად უარყოფითად აისახება მოსწავლეთა აკადემიურ შედეგებსა და ზოგად კეთილდღეობაზე.
ფონდის დონორები
ჩვენთვის უმნიშვნელოვანესია, რომ ფონდის საქმიანობა იყოს მაქსიმალურად გამჭვირვალე და ხელმისაწვდომი როგორც მხარდამჭერებისთვის, ისე ყველა დაინტერესებული პირისთვის. ამიტომ, რეგულარულად ვაქვეყნებთ ფონდის გამჭვირვალობის ანგარიშს, რომელიც ასახავს იმ აქტივობებს, რომლებიც დონორების მიერ გაკეთებული შემოწირულობებით ხორციელდება
